Izraeli njoftoi vazhdimin e operacioneve ushtarake në Libanin jugor , pavarësisht armëpushimit në fuqi.

Ky qëndrim u formulua pas një takimi ku morën pjesë Kryeministri, Ministri i Mbrojtjes, Shefi i Shtabit të Përgjithshëm dhe Komandanti i Komandës Veriore.

Në një deklaratë të përbashkët të lëshuar nga zyra e Kryeministrit izraelit, thuhet se ushtria “do të vazhdojë të veprojë me vendosmëri” me qëllim neutralizimin e kërcënimeve kundër ushtarëve dhe civilëve izraelitë, shkatërrimin e infrastrukturës së karakterizuar si “terroriste” dhe ruajtjen e zonës së sigurisë në Libanin jugor.

Kryeministri, Ministri i Mbrojtjes dhe Shefi i Shtabit të Përgjithshëm theksuan gjithashtu se siguria e qytetarëve izraelitë dhe forcave të ushtrisë do të mbetet përparësia e tyre kryesore “pa kompromis”.

Me këtë njoftim, Izraeli e bën të qartë se nuk ka ndërmend të ndalojë operacionet e tij në Libanin jugor, pavarësisht marrëveshjeve për armëpushim dhe përfundim të veprimeve ushtarake.