Izraeli po shqyrton mundësinë e ndërmarrjes së veprimeve ushtarake kundër Iranit në ditët në vijim, sipas tre burimeve të njohura me situatën, informon ABC News.

Burimet nuk ishin në dijeni të një roli specifik të SHBA-së në një sulm izraelit ndaj Iranit, megjithëse është e mundur që SHBA-të të luajnë një rol logjistik dhe të ndajnë informacione me Izraelin që mund të përdoren për një sulm të tillë.

SHBA-të aktualisht kanë planifikuar bisedime bërthamore me zyrtarët iranianë këtë fundjavë.

“Këshilltari i Lartë dhe i Dërguari Special Steve Witkoff planifikon të udhëtojë për në Muscat të dielën për një raund të gjashtë bisedimesh me Iranin”. “Diskutimet pritet të jenë si të drejtpërdrejta ashtu edhe të tërthorta, si në raundet e mëparshme.”

Presidenti iranian Masoud Pezeshkian tha të enjten se vendi i tij do të vazhdojë të pasurojë uraniumin dhe u zotua të rindërtojë objektet nëse ato shkatërrohen, ndërsa tensionet në Lindjen e Mesme rreth një marrëveshjeje të mundshme bërthamore SHBA-Iran dhe një sulmi të mundshëm izraelit nëse nuk ka marrëveshje varen të dyja në fije të perit.

“Ne do të ndjekim rrugën tonë dhe do ta kemi pasurimin”, tha Pezeshkian gjatë komenteve në Ilam, një provincë perëndimore e Iranit.

“Ne do ta ndërtojmë këtë vend me këta njerëz shumë të rinj. Nuk është sikur, për shembull, dikush të bombardojë vendin tonë, ky është fundi. E gjithë kjo është në mendje. Çfarëdo që të bëjnë ata, ne do ta rindërtojmë”, shtoi Pezeshkian.