SHBA

Jennifer Lopez dhe Alex Rodriguez thonë se janë ende një çift, pavarësisht lajmeve të shumta që qarkulluan të premten, ku pretendohet se dyshja kanë ndarë rrugët.

Këngëtarja e “On the Floor”, 51 vjeçe dhe ish-lojtari i bejsbollit 45 vjeç konfirmuan se janë akoma një çift në një deklaratë të ndarë me Fox News të shtunën.

“Të gjitha lajmet janë të pasakta. Ne po punojmë për disa gjëra”, thuhet në deklaratën e tyre të përbashkët.

Lajmi vjen pak pas raportimeve të mëdha që u bënë të premten duke përmendur ndarjen e çiftit të famshëm. Në një raportim fillestar thuhej se Lopez ishte e zënë në Republikën Dominikane duke xhiruar një film, gjersa Rodriguez në Miami duke u përgatitur për sezonin e bejsbollit.

Raportimet e së premtes gjithashtu treguan për thashethemet e mëparshme që buronin nga fillimi, për një romancë të pretenduar midis Alex dhe yllit të “Southern Charm”, Madison LeCroy. Burime të shumta treguan në atë kohë se nuk kishte asnjë lidhje midis të dyve, megjithatë.
“Jennifer dhe Alex kanë gjëra shumë më të mëdha – si bizneset dhe fëmijët e tyre, (përkatës)– për t’u shqetësuar”, pohoi burimi.

J.Lo këtë vit ndërkohë planifikonte të martohej me Alex Rodriguez, por që dasma e tyre nuk u realizua akoma për shkak të pandemisë së coronavirusit.