Ylli i popit kinezo-kanadez Kris Wu është dënuar me 13 vjet burg pasi u shpall fajtor për përdhunim. Një gjykatë në Pekin e dënoi këngëtarin për përdhunimin e tre grave, përfshirë një 17-vjeçare. Ai u arrestua vitin e kaluar pasi u akuzua për përdhunim nga studentja.

Wu mohoi pretendimet, por të paktën 24 viktima të tjera e akuzuan atë për akte seksuale.

Gjykata e Pekinit dënoi me 11 vjet e gjashtë muaj burg për përdhunimin e tre grave në shtëpinë e tij në vitin 2020 kur ato ishin të dehura dhe nuk ishin në gjendje të mbroheshin.

Ai gjithashtu mori një dënim prej një viti e 10 muaj burg për mbledhjen e njerëzve për të kryer tradhti bashkëshortore, shtoi gjykata.

32-vjeçari ka qenë më parë një nga yjet më të njohur të Kinës, por ka kombësi kanadeze. Ai u bë i njohur si anëtar i grupit K-pop EXO në vitet 2010. Ai u bë një nga personazhet më të famshëm të Kinës, pasi kreu një karrierë solo si këngëtar, aktor, model dhe gjyqtar i estradës.

Megjithatë, markat duke përfshirë Louis Vuitton, Bulgari, L’Oreal Men dhe Porsche kanë pezulluar partneritetin e tyre me Wu për këtë rast.