Në emisionin ‘Open’ në News24, u analizua fjalimi i kryeministrit Edi Rama të mbajtur në Asamblenë e KiE-së, lidhur me kërkesën për rrëzimin e raportit ‘Dick Marty’.

Kryetari i Partisë Republikane, Fatmir Mediu tha se rezoluta është miratuar me konsensus dhe kjo e detyron kryeministrin të mbajë qëndrim.

Nga ana e tij ish-shefi i Shtabit të Përgjithshëm të Forcave të Armatosura, Bardhyll Kollçaku tha se Asambleja ka të drejtë të rishikojë dhe të miratojë një rezolutë tjetër, ose të hapë një hetim lidhur me këtë çështje.

Pjesë nga biseda:

Mediu: Nuk është një kërkesë e kryeministrit një rezolutë e miratuar me konsensus që e obligon kryeministrin. Kemi të gjithë bindje që raporti Dicky Marty është i fabrikuar. Kur u paraqiten faktet ka pasur një qëndrim që duhet të ndërtoheshin institucione për të verifikuar këtë raporti. Duke akuzuar drejtuesit të UÇK duan të zhbëjnë një pjesë të rëndësishme. Ishte një fjalë e gjatë e ndërtuar sipas stilit të Ramës. Në interesin kombëtar ishte ballafaqim pozitiv, por po ta analizosh mirëfilli sheh që Rama ka defekte jo të vogla.”

Bardhyl Kollçaku, ish-shefi i Shtabit të Përgjithshëm të Forcave të Armatosura: Kemi pasur detyrim kombëtar e kushtetues që të mbrojmë interesat e shqiptarëve kudo ku janë. Avantazhi i Shqipërisë për të qenë në disa strukturuar që Kosova nuk është na jep këtë mundësi për ta bërë. Ju them se edhe kur ka qenë në detyra të shërbimeve të inteligjencës kemi hasur fabrikime serbe, që kanë arritur të fusin informacion të fabrikuar. Asambleja miraton, siç ka të drejtë të rishikojë ka të drejtë të miratojë një rezolutë tjetër, ose të hapë një hetim.

Ardit Bito: Sot ishte një fjalim që nuk bien fare dakord me cilësimin që i bëhet populist, kryeministri ynë provokon e ka në taktikën e vet, por sot nuk e pashë. Ishte korrekt diplomatik u rreshtuan të gjitha tezat kombëtare që nuk kanë ndasi. I vetmi faktor që del jashtë këtu është media që në vend, dhe merret a pati debate me përfaqësues serbe apo jo. Ky nuk është thelbi. Theksoj që ka një pasojë të drejtpërdrejtë juridike t shëtit shqiptar sepse ka ratifikuar në parlament për këtë marrëveshje. Shteti shqiptar ka një interes të drejtpërdrejtë të vetin.

Nuk ka pasur jehonë në Kosovë?

Ardit Bito: Kjo është fatkeqe, fakti që në Kosovë nuk është kjo dakordësi që është ën Shqipëri, përkthehet për interesa politike të ditës. Shqipëria ka pasojë juridike të veten të drejtpërdrejtë, ka një damkë që në Republikën e Shqipërisë janë bërë ato krime që nuk janë bërë. Në Kosovë në vend që të kthehet në çështje kombëtare, por e lidhin me politikë të ditës.

(BalkanWeb)