Qeveria suedeze ka vendosur të forcojë më tej ligjet e saj anti-terror për të ndalur aktivitete të lidhur me grupet militante krude, me shpresën se Turqia do aprovojë kërkesën e saj për anëtarësimin në NATO.
Stokholmi kishte ndryshuar tashmë kushtetutën e tij në nëntor për t’i hapur rrugën ndryshimeve ligjore, të cilat kanë qenë në proces prej disa vitesh.
“Është një kriminalizim më i gjerë, duke synuar një numër të madh aktivitetesh brenda një organizate terroriste që nuk janë konkretisht të lidhura me një krim të caktuar terrorist”, tha Ministri i Drejtësisë Gunnar Strömmer në një konferencë për shtyp.
Sipas projektligjit të ri, akte të tilla si trajtimi i pajisjeve, organizimi i mitingjeve apo takimeve, menaxhimi i transportit për organizatat e përcaktuara si terroriste, do të kriminalizohen. Qeveria planifikon ta vërë projektligjin në votim në parlament në mars, ndërsa zabtimi do të nisë në qershor.
Ndërkohë, kryeministrja finlandeze Sanna Marin ishte në Stokholm sot për një takim me homologun e saj suedez Ulf Kristersson, në një tjetër shfaqje publike solidariteti midis kombeve nordike.
?? PM Kristersson said today that a new draft for stricter legislation on terrorism is in the making and will be given to the parliament in March.
Sweden had actually just revised its terrorism legislation last year so this is about as far as ?? can bend over backwards for ??
— Minna Ålander ? (@minna_alander) February 2, 2023
“Është shumë e rëndësishme që ne të dërgojmë një mesazh të qartë sot. Finlanda dhe Suedia aplikuan së bashku dhe është në interesin e të gjithëve që të bashkohemi së bashku” tha Marin.
(BalkanWeb)
