Qeveria japoneze ka konfirmuar gatishmërinë e saj për të ofruar një pjesë të rezervave të saj të gazit natyror (LNG) për të zbutur krizën energjetike në Evropë, në vazhdën e tensioneve gjeopolitike në kufirin me Ukrainën.

Ministri i Ekonomisë Koichi Hagiuda takoi përfaqësuesen e BE-së në Japoni, Patricia Flor dhe ambasadorin e ri të SHBA-së, Rahm Emanuel, duke siguruar furnizimin me kërkesën fillestare të Shteteve të Bashkuara.

Disa cisterna me gaz natyror të lëngshëm do të mbërrijnë në Evropë muajin e ardhshëm, tha Hagiuda, pa specifikuar sasitë.

Tokio do t’u kërkojë kompanive vendase të vënë në dispozicion furnizime të gatshme për konvertim për kompanitë nga Kontinenti i Vjetër, duke siguruar që ato të mbajnë rezerva të mjaftueshme në vend.

(BalkanWeb)