Nuk është në formën e tij më të mirë të mundshme pasi vjen nga një periudhë e vështirë, por  Marash Kumbulla është gati të japë maksimumin. Në merkaton e janarit, mbrojtësi i Shqipërisë ndërroi ambient, duke u huazuar nga Roma te skuadra e Sassuolos. Në një intervistë për kanalet e klubit, Kumbulla i është përgjigjur pyetjeve të gazetarëve.

Si e përshkruani operacionin dhe çfarë menduat kur erdhi hipoteza e Sassuolo për të ardhmen tuaj?

“Ishte gjithçka shumë shpejt, një ditë para se të bëja ekzaminimet e mia mjekësore ishte hera e parë që Sassuolo ishte lidhur me emrin tim. Nuk kisha asnjë hezitim, i thashë menjëherë agjentit tim që doja të vija këtu dhe kështu u bë”.

A keni folur me dikë për zgjedhjen tuaj për të veshur fanellën e ekipit përpara se të thoni po?

“E kam dëgjuar Bajramin, para se të largohej, më tha se po më priste dhe tani jam shumë i lumtur. Arrita dhe gjeta një grup djemsh të gatshëm, me dëshirën për të luajtur dhe për të arritur rezultate. Gjeta gjithashtu një trajner entuziast dhe një mjedis të qetë dhe kompakt. Renditja nuk është e mirë, por me punë mund ta përmirësojmë situatën” – tha ai.

(J.S/BalkanWeb)