DURRËS
Një përplasje me armë ka ndodhur sot në qytetin Durrësit. Nga të dhënat e para raportohet se ka mbetur një shtetas i plagosur, i identifikuar si Julian Meçaj.
Policia dhe grupi hetimor ka shkuar në vendin e ngjarjes dhe po punon për zbardhjen e rrethanave.
Gazetarja e “BalkanWeb”, Klodjana Haxhiaj raporton se ngjarja e rëndë është regjistruar në zonën e Ish-Kënetës, pranë autostradës Tiranë-Durrës.
Disa minuta pas plagosjes, Policia e Durrësit ka gjetur një makinë të djegur, e cila dyshohet të jetë e autorit/ve. Menjëherë janë ngritur pika konttrolli në disa rrugë dhe po punohet për kapjen e tyre.