TIRANË
Kuvendi i Shqipërisë ka rrëzuar dekretin e presidentit Ilir Meta për shqyrtimin e ndryshimeve në Kodin Zgjedhor të miratuar nga maxhoranca pa dakordësinë e opozitës jashtëparlamentare.
Kanë qenë 97 deputetë të Kuvendit, që kanë votuar për rrëzimin e dekretit të Metës.
Kjo i hap rrugë Kodit të ri Zgjedhor të hyjë automatikisht në fuqi pa ndryshimet që kërkonte presidenti Ilir Meta dhe opozita jashtëparlamentare.
Me rrëzimin e dekretit tashmë mbetet në fuqi formula e koalicioneve ku partitë duhet të grupojnë kandidatët në një listë të vetme.
Në arysetimet e tij, Presidentit Meta shprehej se: “Ndryshimet e njëanshme në Kodin Zgjedhor të datës 5 tetor 2020, cenojnë parimin e procesit të rregullt ligjor, si dhe të drejtën për të zgjedhur e për t`u zgjedhur, e mbi të gjitha parimin e barazisë së votës”.
Teksa rendiste arsyet, kreu i Shtetit, Ilir Meta deklaronte se qeveria përmes dhunës dhe shpërdorimit të procesit ligjbërës kërkon të manipulojë zgjedhjet e 25 prillit 2021.
(BalkanWeb)
