Policia zbardh detaje nga ngjarja e rëndë e ndodhur pak minuta më parë në Malësinë e Madhe, ku një banesë u godit nga rrufeja, duke i marrë jetën një 51-vjeçari.
Banesa u përfshi nga flakët nga rrufeja, duke u djegur pjesërisht, e për pasojë mori plagë të rënda shtetasi Arben Ivanaj.
Malësi e Madhe/Informacion paraprak
Më datë 09.06.2022, në orën 13:15, në fshatin Dedaj, Malësi e Madhe, dyshohet se për shkak të goditjes së rrufesë është krijuar shkëndijë elektrike në banesën e shtetasit P. Ç. 63 vjeç.
Për pasojë është djegur pjesërisht banesa, si dhe ka pësuar djegie në trup, shtetasi A. I., 51 vjeç, banues në fshatin Dedaj, Malësi e Madhe, që po qëndronte në këtë banesë, i cili ka ndërruar jetë në Spitalin Rajonal Shkodër.
Grupi hetimor po punon për sqarimin e rrethanave të ngjarjes.
(BalkanWeb)
