Ditëve të fundit në veri të Mitrovicës, u është vënë zjarri disa veturave me targa RKS, ndërsa ka pasur disa sulme ndaj zyrtarëve policorë.
Në lidhje me këto ngjarje, ku policia ka arrestuar një shtetas me inicialet M.B i cili dyshohet edhe për sulmin me armë ndaj Policisë së Kosovës ku mbetën të plagosur dy policë, kanë reaguar zyrtarët e lartë shtetëror të Serbisë dhe udhëheqësit e Listës Serbe.
Ata kanë paralajmëruar rezistencë nëse personi i arrestuar nuk lirohet.
Deklarata e tyre ka nxitur reagimin e Presidencës së Kosovës, ku shefi i kabinetit të presidentes Vjosa Osmani, Blerim Vela tha se kreu i LS, Rakiç po kërcënon me kryengritje.
“Kreu i Listës Serbe, Rakiç përkrah Petkoviçit kërcënon me “rezistencë dhe kryengritje” në Kosovë. Megjithatë, asnjë fjalë dënimi nga Petkoviç për djegien e veturave të serbëve vendas! Serbia dhe Lista Serbe kërcënojnë me dhunë. Ata do të jenë përgjegjës për çdo përshkallëzim në terren”, ka shkruar Vela në një postim në Twitter.
Ministri i Jashtëm i Serbisë, Ivica Daçiç, tha sot, se përmes arrestimit të serbëve në Kosovë, Qeveria e Kosovës dëshiron ta destabilizojë gjendjen dhe t’i shmangë detyrimet që ka ndërmarrë përmes marrëveshjes së Ohrit.
Formal head of SL Rakić, next to Petković, threatens with “resistance and uprising” in #Kosovo.
However, no word of condemnation from Petković on burning of cars of local Serbs!#Serbia and LS threatened with violence. They’ll be responsible for any escalation on the ground. pic.twitter.com/b6HiISGTbJ
— Blerim Vela (@Blerim_Vela) April 2, 2023
Ai i bëri thirrje komunitetit ndërkombëtar që të “reagojë urgjentisht” dhe të bëjë presion mbi autoritetet në Prishtinë për ta parandaluar përshkallëzimin e situatës.
Kurse, kryetari i Listës Serbe, Goran Rakiç tha se populli serb do të mblidhet dhe do të protestojë nëse personi i arrestuar nuk lirohet.