Policia marokene tha të mërkurën se tre iranianë dhe katër bullgarë u arrestuan në Marok për lidhje të dyshuara me një rrjet ndërkombëtar të trafikimit të qenieve njerëzore, njoftoi agjencia zyrtare e lajmeve MAP.

Tre iranianët u arrestuan të martën në aeroportin Mohammed V të Casablanca, kur tentuan të hipnin në një aeroplan për në Spanjë duke përdorur dokumente false udhëtimi, tha policia në një deklaratë.

Arrestimi i katër bullgarëve u bë më vonë për përfshirjen e tyre të dyshuar në planifikimin dhe lehtësimin e përpjekjes për imigrim të paligjshëm, shtoi ai.

Sipas deklaratës, oficerët e policisë kanë sekuestruar disa dokumente udhëtimi të falsifikuara, kartë imbarkimi dhe telefona celularë me karta SIM ndërkombëtare.

Të dyshuarit, të moshës ndërmjet 28 dhe 68 vjeç, u morën në paraburgim për t’u marrë në pyetje nga autoritetet marokene përgjegjëse për luftimin e emigracionit të paligjshëm, theksohet në deklaratë.