Turqia po punon për të zgjeruar iniciativën e mbështetur nga OKB-ja, që i ka mundësuar Ukrainës të eksportojë grurë nga portet e bllokuara nga Rusia.
Iniciativa për drithërat e Detit të zi e ndërmjetësuar nga Kombet e Bashkuara dhe Turqia korrikun e kaluar lejoi eksportimin e grurit nga tre porte të Ukrainës.
Kujtojmë që marrëveshja u zgjat në nëntor, ku Turqia ndërhyri si ndërmjetësuese bashkë me Kombet e Bashkuara. Mirëpo, kjo marrëveshje skadon më 18 mars.
Mevlut Cavusoglu tha: “Ne po punojmë shumë për zbatimin e qetë dhe zgjatjen e mëtejshme të marrëveshjes së grurit të Detit të Zi”.
Në fillim të kësaj jave, Rusia tha se do të pranonte të zgjaste marrëveshjen e drithërave të Detit të Zi vetëm nëse merren parasysh interesat e prodhuesve të saj bujqësorë.
(BalkanWeb)