SPANJE – Cesc Fabregas ka kurorëzuar me martesë lidhjen e tij disavjeçare me partneren Daniella Semaan. Futbollisti spanjoll që luan me Chelsea-in ka publikuar disa fotografi në rrjetet sociale nga dita e më rëndësishme e jetës së tij.
Ceremonia martesore është mbajtur në Cliveden House në Berkshire dhe gjithçka ishte e përgatitur në detaje. Foto dasma ka publikuar edhe Daniella në profilin e saj në Instagram për të shënuar këtë ditë të rëndësishme.
Fabgregas ka tre fëmijë nga lidhja me Semaan, ndërsa gruaja e tij i ka edhe dy fëmijë të tjerë nga një lidhje e mëparshme.
“Sapo u martova me gruan e ëndrrave”, ka shkruar futbollisti pranë njërës prej fotografive të publikuara. “Sapo u martova me këtë mashkull të bukur të cilin e admiroj”, ka shkruar Daniella, e cila është në lidhje me Fabregas që nga viti 2011.