Drejtori i përgjithshëm i centralit bërthamor Zaporizhzhia është arrestuar nga një patrullë ruse, sipas Energoatom, agjencia shtetërore ukrainase përgjegjëse për centralin.

Zaporizhzhia është në Ukrainë, por është një nga rajonet e aneksuar së fundmi nga Rusia.

Energoatom tha se Ihor Murashov u ndalua gjatë rrugës së tij nga uzina (centrali më i madh bërthamor në Evropë) për në qytetin e Enerhodar rreth orës 16:00 me kohën lokale të premten.

“Ai u nxor nga makina dhe me sy të lidhur u çua në drejtim të panjohur”, thuhet në njoftim.