Pas Zlatan Ibrahimovic, Milan është gati të finalizojë goditjen e dytë në merkaton e dimrit. Klubi kuqezi ka intesifikuar tratativat me Barcelonën për të marrë shërbimet e Jean-Clear Todibo. Mbrojtësi francez konsiderohet si një talent me të ardhme të sigurt, teksa sipas mediave italiane ka pranuar ofertën për t’u transferuar në Serie A.
Tashmë topi i kalon Barcelonës, që duhet të japë “OK” për të lënë të lirë futbollistin. Deçiziv do të jetë takimi i fiksuar për të mërkurën, ku dy klubet do të ulen në bisedime për të gjetur formulën e duhur. Me shumë mundësi do të bëhet fjalë për një huazim me të drejtë blerjen e kartonit në fund të sezonit për 25 milion euro. Ky është version më i mirë për Milan, që gjithashtu duhet të ketë kujdes nga një kundërsulm i klbit “blaugrana”, siç paralajmërojnë mediat spanjolle.
Sipas tyre, kryesuesit e La Liga mund të fusin në tratativa emrin e Alessio Romagnoli. Ky i fundit është kapiteni i skuadrës kuqezi dhe nëse largohet do të ulte ndjeshëm kualitetin te milanistët, të kërkojnë të shpëtojnë një sezon që deri tani ka qenë një zhgënjim i vërtetë.
(balkanweb)