Finlanda dëshiron të mbajë kufirin e saj me Rusinë të qetë, tha të shtunën Ministri i Jashtëm finlandez Pekka Haavisto, duke pohuar nevojën për të ruajtur komunikimin me Kremlinin, ndërsa kombi nordik është më afër anëtarësimit në NATO.

“Ne kemi një kufi prej 1300 kilometrash [rreth 800 milje] me Rusinë,” u tha ai gazetarëve në Berlin, ku u ftua të bashkohej në një takim të ministrave të jashtëm të NATO-s. “Kufiri është i qetë dhe ne duam ta mbajmë atë kufi të qetë. Është shumë e rëndësishme që ne të komunikojmë me fqinjin tonë.”

I pyetur se Turqia është kundër anëtarësimit të Finlandës në NATO, Haavisto tha se ai thirri ministrin e Jashtëm turk Mevlüt Çavuşoğlu të premten për të “ulur tensionet” dhe do të vazhdojë diskutimet me të në takimin e NATO-s të shtunën.

Ai pranoi se çdo anëtar i NATO-s mund të “bllokojë procesin”, prandaj është e rëndësishme të mbahen “kontakte të mira” me të gjithë.

Turqia, e cila është paraqitur si ndërmjetëse midis Rusisë dhe Ukrainës, ka sinjalizuar një pikëpamje të pafavorshme për anëtarësimin e mundshëm të Finlandës dhe Suedisë në NATO, me presidentin Rexhep Tajip Erdogan duke akuzuar kombet për strehimin e “organizatave terroriste” kurde.

Megjithatë, Haavisto tha të shtunën se ai është “i sigurt se në fund, ne do të gjejmë një zgjidhje dhe Finlanda dhe Suedia do të bëhen anëtarë të NATO-s”.