Humbja e Argjentinës me Kroacinë mbrëmjen e kaluar në kuadër të fazës në grupe për Botërorin 2018 i ka dhembur shumë tifozëve anë e mbanë botës, për të mos thënë edhe shumë shqiptarëve. Tifos për Argjentinën i ishin bashkuar edhe shumë tifozë të Italisë, pasi nuk mundi të kualifikohej për në Botëror.
Por tashmë Argjentina e Lionnel Messit është në ‘fije të perit’ dhe rrezikon të mos e kalojë grupin për shkak të tre golave të djeshëm të Kroacisë fantastike. Ata që po e vuajnë më shumë dhe janë në shënjestër të zemërimit janë trajneri Sampaolo dhe kapiteni Messi, një nga futbollistët më të mirë të të gjitha kohërave por që solli shumë zhgënjim.
Pikërisht për këtë arsye ai është ‘masakruar’ me fotomontazhe nga më të ndryshmet në të gjithë botën. Në Shqipëri ka dhe nga ata që kanë shkrirë imazhin e Messit me atë të kryeministrit Edi Rama. “BalkanWeb” sjell disa prej tyre.
(m.k/BalkanWeb)