Shqipëria u njoh sot me kundërshtarët në Nations League. Në Ligën B, në grupin B1, kuqezinjtë do të kenë përballë Çekinë, Ukrainën dhe Gjeorgjinë. Në këto kushte, ekipi i Sylvinhos “peshkon” sërish çekët, ashtu si në kualifikueset e Euro 2024.
Një rival i fortë për Kombëtaren tonë natyrisht është edhe Ukraina, Përfaqësuese e cila ka njohur rritje së fundmi. Ndoshta jo rival i rrezikshëm, por ndeshje me të vërtetë interesante do të jenë ato ndaj Gjeorgjisë, ku luan ylli i Napoli, Kvara. Për t’u përmendur është edhe shmangia e Anglisë.
Shqipëria synon të fitojë Ligën B, me sfidat që do të mbahen sipas sistemit vajtje-ardhje. Dy ndeshjet e para janë të programuara për në shtator 2024, dy ndeshje për në tetor 2024 dhe dy ndeshje për në nëntor 2024.
Vëmendja ishte edhe tek Kosova. Short pozitiv për “Dardanët” në grupin C2, Liga C, ku do përballen me Rumaninë, Qipron dhe Lituani/Gjibraltar.
Për të kaluar më pas te Liga A. Në Grupin A1, Kroacia sfidon Portugalinë, Poloninë dhe Skocinë. Në grupin A2, Italia mat forcat me Francën, Izraelin dhe Belgjikën. Në grupin A3 janë Holanda, Hungaria, Gjermania dhe Bosnja—Hercegovina. Spanja, Danimarka, Zvicra dhe Serbia plotësojnë grupin A4.
LIGA A
Grupi A1: Kroaci, Portugali, Poloni, Skoci
Grupi A2: Itali, Belgjikë, Francë, Izrael
Grupi A3: Holandë, Hungari, Gjermani, Bosnjë Hercegovinë
Grupi A4: Spanjë, Danimarkë, Zvicër, Serbi
Liga B
Grupi B1: Çeki, Ukrainë, Shqipëri, Gjeorgji
Grupi B2: Angli, Finlandë, Irlandë, Greqi
Grupi B3: Austri, Norvegji, Slloveni, Kazakistan
Grupi B4: Uells, Islandë, Mali i Zi, Turqi
Liga C
Grupi C1: Suedia, Azerbajxhani, Sllovakia, Estonia.
Grupi C2: Rumania, Kosova, Qipro, Lituani/Gjibraltar.
Grupi C3: Luksemburgu, Bullgaria, Irlanda e Veriut,
Grupi C4: Armenia, Ishujt Faroe
Liga D
Vazo 1: Lituani/Gjibraltar*, Moldavi
Vazo 2: Maltë, Andorra, San Marino, Lihtenshtajni
Grupi 1: Lituani/Gjibraltar, San Marino, Lihtenjshtejn
Grupi 2: Moldavi, Malta, Andorra
Kalendari:
Ndeshja 1 – 5-7 Shtator 2024
Ndeshja 2 – 8-10 Shtator 2024
Ndeshja 3 – 10-12 Tetor 2024
Ndeshja 4 – 13-15 Tetor 2024
Ndeshja 5 – 14-16 Nëntor 2024
Ndeshja 6 – 17-19 Nëntor 2024
(J.S/BalkanWeb)
