Orët e fundit në mediat më të mëdha botërore është dhënë lajmi i interesimit të Manchester United për portierin shqiptar të mbetur pa kontratë, Thomas Strakosha.

Ku ka zë, nuk është pa gjë. Sot, mediumet britanike kanë njoftuar se “Djajtë e Kuq” dhe gardiani kuqezi kanë arritur një marrëveshje për kushtet personale, teksa me gjasë gjithçka do të kryhet me sukses.

Strakosha për të ruajtur formën e tij fizike po përgatitet në Romë, në pritje për të marrë dakordësinë e për të udhëtuar drejt Manchesterit për të zhvilluar vizitat mjekësore. Gjithsesi, asgjë nuk mund të thuhet me siguri, pasi mungon zyrtarizimi dhe merkato ka treguar se është e paparashikuar.
Portieri shqiptar la Lazion pas disa vitesh me fanellën Biancoceleste, për të nisur kështu një aventurë të re, që pritet të jetë në Premier League.

(BalkanWeb)

Sondazh


Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb
Etiketa: