Pasi qëndroi për disa orë në Thumanë, ku mori pjesë edhe në ceremoninë mortore të viktimave të tërmetit të 26 nëntorit, kryeministri Edi Rama ka udhëtuar për në Lezhë.

Siç raporton për ‘BalkanWeb’ gazetari Elidon Ndreka, kreu i qeverisë do të inspektojë nga afër një pallat që rezulton shumë i dëmtuar nga tërmeti.

Kujtojmë se në këtë qytet, lëkundjet e forta me magnitudë 6.3 të shkallës rihter kanë shkaktuar dëmtime të disa banesave, ndërkohë që në Laç është shpallur gjendje e jashtëzakonshme, ashtu si në Tiranë dhe Durrës.
(BalkanWeb)