TIRANE
Kryeministri Edi Rama ka reaguar përmes një postimi në Twitter për protestën e banorëve të Astirit përballë Parlamentit, e cila u shoqëruar me tensione dhe përplasje me policinë.
Rama thotë se dhuna ndaj punonjësve të policisë nuk do tolerohet, ndërsa i ka bërë thirrje qytetarëve që janë me dokumente të rregullta ta distancohen nga ata që ai i quan zaptues profesionistë si dhe nga politika qorre.
“Dhuna ndaj policëve në emër të paligjshmërisë, s’do tolerohet! U bëj thirrje atyre që kanë dokumenta prone a vetëm strehën pa leje: Distancohuni nga zaptuesit profesionistë dhe profesionistët e politikës qorre të shpifjeve e të rrëmujës! Merrni ç’ju jep ligji e largohuni nga rruga”- shkruan Rama.
Dhuna ndaj policëve në emër të paligjshmërisë, s’do tolerohet! U bëj thirrje atyre që kanë dokumenta prone a vetëm strehën pa leje:Distancohuni nga zaptuesit profesionistë dhe profesionistët e politikës qorre të shpifjeve e të rrëmujës!Merrni ç’ju jep ligji e largohuni nga rruga.
— Edi Rama (@ediramaal) November 22, 2018
Kujtojmë se nga protesta e banorëve të zonës së Astrit u plagosën 12 punonjës policie nga tymyeset de shashkat e hedhura.
(d.d/BalkanWeb)
