Pas protestës së studentëve të fakultetit të Arkitekturës dhe Urbanistikës për të dytën herë rradhazi, ka pasur reagime të forta edhe nga rradhët e LSI-së.
Dy deputetet e LSI-së, Floida Kërpaci dhe Keidi Mehmetaj kanë shprehur mbështetjen e tyre për studentet që kundërshtojnë tarifën.
Kërpaçi shkruan tarifa e vendosur nga Këshilli i Ministrave në maj të këtij viti, rëndon tepër ekonominë e familjeve shqiptare, duke qenë se studentët detyrohen të paguajnë 4-fish për çdo provim të mbartur.
Deputetja e LSI-së thekson se ky vendim mund të sjellë braktisjen masive të shkollës dhe largimin e të rinjve nga Shqipëria.
“Pra nje familje Shqiptare pervec tarifes vjetore qe paguan, i duhet te paguaj edhe 4-fish me shume per cdo provim te mbartur! Ky vendim,detyron studentet te braktisin shkollen dhe masivisht te kerkojne largimin nga Shqiperia!
Arsim cilesor nuk ka, punesim per te rinjte nuk ka, pagesat jane qesharake, jetesa studentore eshte shume e shtrenjte!”, thekson ajo.
Të njëjtin qëndrim ka edhe Mehmetaj, e cila shprehet se studentet tani po detyrohen të paguajnë 20 deri në 45 mijë lekë më shumë për sezon.
(BalkanWeb)
