Gazetarja televizive ruse, e cila protestoi kundër luftës në Ukrainë në një program të drejtpërdrejtë lajmesh, është gjobitur me 30,000 rubla (rreth 213 £ me kursin aktual) për “organizim të një ngjarjeje masive të paligjshme”.

Gjykata e Qarkut Ostankino e shpalli Marina Ovsyannikova fajtore për shkelje të legjislacionit të protestës, njoftoi agjencia e lajmeve RIA.

Faqja e pavarur Meduza thotë se ajo u shpall fajtore për organizimin e një aksioni publik të pakoordinuar. Nuk bëhet fjalë për aksionin e saj kundër luftës, por për video-mesazhin e saj, në të cilin ajo bënte thirrje për protestë kundër luftës.

Ovsyannikova po hetohet gjithashtu sipas një artikulli të ri penal mbi “përhapjen publike të informacionit me vetëdije të rreme” për ushtrinë ruse.

Ovsyannikova, u shfaq pak orë më parë në gjyq në Gjykatën Ostankino të Moskës me avokatin e saj Anton Gashinsky.