Tronditëse ka qenë ngjarja e sotme, ku një anije mallrash shembi urën e Baltimorës në SHBA. Sipas drejtorit të Maritime Risk and Safety Consultants Ltd, shpjegimi më i mundshëm për lëvizjen e anijes ishte një dështim mekanik në mjetin lundrues me flamurin e Singaporit, 300 metra të gjatë.
Ai argumenton se mundësia e gabimit njerëzor është më pak e mundshme. “Nuk ka vend për gabimet e një personi sepse disa të tjerë që do të ishin të pranishëm do të bërtisnin ‘diçka po ndodh këtu’”, shtoi eksperti britanik. Sipas tij, “shkaku më i mundshëm i incidentit është ndonjë dëmtim i motorit të anijes apo sistemit të lundrimit”.
Ky version përforcohet nga njoftimi i kompanisë Synergy Marine Group, e cila menaxhon anijen që u përplas me urën, sipas së cilës, siç raporton Sky Neës, mes anëtarëve të ekuipazhit që janë numëruar janë edhe dy “pilotë”.
Guvernatori i Maryland, Wes Moore shpalli gjendje të jashtëzakonshme për të marrë përforcime nga administrata Biden, ndërsa ende nuk dihet se sa është numri i viktimave apo dhe të personave që kanë shpëtuar.
(BalkanWeb)
