Është 36 vjeç por mosha për C.Ronaldo është thjeshtë një numër. Rikthimi i tij në “Old Traford”, është një rikthim ëndrrash, duket sikur asgjë nuk ka ndryshuar, pavarësisht se kanë kaluar 12 vite, CR7 është po i njëjti. 5 herë fituesi i “Topit të Artë” në vetëm tre ndeshje ka shënuar katër gola, por këto nuk janë statistikat e vetme mbresëlënëse.
Klubi i Man.United në faqen zyrtare ka bërë publike disa të dhëna shumë domethënëse. Në sfidën e fundit kundër West Ham, Ronaldo ishte lojtari më i shpejtë në fushë me 32,51 km/h, e të mendosh që behet fjalë për një 36-vjeçar.
Goli i shënuar në “Olympic Stadium” ka një tjetër domethënie të veçantë, Ronaldo e dërgoi në 66 numrin e stadiumeve në 5 ligat më të rëndësishme në europë, ku ka shënuar të paktën një gol duke thyer në këtë mënyrë rekordin që mbahej nga Zlatan Ibrahimovic.
Ashtu si tifozët edhe klubi i Man.United po shijon këtë rikthim të Ronaldos duke e përkufizuar portugezin me një fjalë, i jashtëzakonshëm.
(BalklanWeb)
