Roberto Cavalli është bërë baba për herë të gjashtë në moshën 82-vjeçare nga partnerja e tij që është 38-vjeç.
“Sandra është mirë, po ashtu edhe fëmija ka lindur një javë më parë në Firence. Ai është i bukur dhe u emocionova shumë kur e pashë pas lindjes së tij”, tha Roberto Cavalli në revistën italiane Novella 2000 duke iu referuar edhe partneres së tij 38-vjeçare, ish-Playmate nga Suedia, Sandra Nilsson.
Siç ka treguar ai, djali i tij i porsalindur do të quhet Giorgio, siç e quanin babain e tij që u vra nga nazistët pak para përfundimit të Luftës së Dytë Botërore.
“Emri i tij do të jetë Giorgio, si gjyshi i tij, babai im, të cilin nazistët e vranë në masakrën e Cabrillas kur unë isha katër vjeç”, tha stilisti italian.
Roberto Cavalli pati dy fëmijët e tij të parë, Tommaso dhe Cristina, nga martesa e tij, në vitin 1964, me Silvanella Giannoni, me të cilën u divorcua 10 vjet më vonë.
Gruaja e ardhshme e Roberto Cavalli në vitin 1980 ishte stilistja austriake, Eva Maria Düringer, me të cilën patën tre fëmijë, Robert, Raquelle dhe Daniele.
Çifti u nda në vitin 2010 dhe që nga viti 2014 Roberto Cavalli ka në krah Sandra Nilsson.
