ELBASAN- Reshjet e shiut kanë sjellë rrëshqitje dheu dhe fundosjen e tokës në zonën e Labinot Fushës në Elbasan dhe për pasojë edhe dëmtimin e rrugës që çon në Labinot Mal. Banorët kanë vënë alarmin për shkak se dëmtimi i rrugës rrezikon izolimin e dhjetëra fshatrave.
Për këtë arsye në Labinot Fushë kanë shkuar deputeti Taulant Balla dhe prefekti Arben Kamami, të cilët kanë zhvilluar edhe një takim me përfaqësuesit vendorë për zgjidhjen e kësaj situate. (m.k/BalkanWeb)