Rumania do të forcojë kufizimet e saj antiCOVID-19 duke filluar këtë fundjavë, si kundërpërgjigje ndaj një vale të tretë në rritje të infeksioneve.
“Duke filluar të dielën, ora e ndalimit të natës do të zgjatet dhe oraret e dyqaneve do të shkurtohen”, tha kryeministri rumun Florin Citu.
Ashpërsia e masave do të zbatohet në bazë rajoni, në varësi të ngarkesës së rasteve COVID-19.
Në vendet me nivele më të larta të incidencës, kufizimet mund të zbatohen gjatë gjithë javës.
Në Rumani, incidenca 14-ditore e infeksioneve të reja është rritur sërish ndjeshëm, pas një rënieje në shkurt.
Sot, ajo ishte rreth 364 raste të reja për 100 000 banorë.//ATSH