TIRANË- Shtetasja në foto quhet Hyrije Çikopano, me të cilën familjarët kanë 4 muaj që kanë humbur kontaktet.

Gazetari Igli Çelmeta raporton për Balkanweb se 66-vjeçarja është larguar nga banesa në datë 15.11.2023 dhe akoma nuk është kthyer!

Në momentin që ka humbur, ka qenë duke blerë ilaçet në farmaci me bashkëshortin e saj. Familjarët kontaktuan News24 dhe deklaruan se prej 4 muajsh nuk kanë asnjë informacion për 66-vjeçaren e cila vuan edhe nga diabeti.

Familja ka bërë denoncim në polici, e cila ka nisur kërkimet në terren. Prej 4 muajsh ende nuk ka asnjë informacion për 66-vjeçaren dhe nuk dihet vendndodhja e saj. Dyshohet se gruaja vuan nga probleme të shëndetit mendor.

(BalkanWeb)