Një makinë tip “Reno” i është vënë flaka me benzinë në Fushë Krujë, rreth orës 22:00 të mbrëmjes së kaluar. Gazetari Juli Shota sjell pamje në redaksinë e “BalkanWeb”, ndërsa raporton se mjeti është në pronësi të 28-vjeçarit Besmir Buci, nga fshati Halil.
Vëllai i besmirit, Krenari, deklaron se nuk kanë konflikte e probleme me njeri dhe kërkojnë nga shteti që të marrë masa, të identifikojë dhe të vërë para përgjegjësisë autorët.
Sipas tij, para disa kohësh ju vu flaka dhe makinës së dajës së tyre, Bashkim Voga, dhe autorët e asaj ngjarjeje nuk u zbuluan. Ngjarja ka ndodhur pak metra larg qendrës së fshatit, ndërsa nuk është bërë publike nga Policia e Qarkut Durrës.
Njoftimi i Policisë:
Krujë
Më datë 08.08.2021, në orën 22:30, shtetasi E. H., 29 vjeç, banues në fshatin Halilaj, Krujë, dyshohet se i ka vendosur zjarrin qëllimisht një makine tip “Renault”, e çregjistruar dhe e destinuar për skrap, në pronësi të shtetasit B. B., 29 vjeç, banues në Krujë.
Vijon puna për kapjen e autorit të dyshuar.
Materialet i kaluan Prokurorisë së Rrethit Gjyqësor Krujë.
(BalkanWeb)
