Policia e Përmetit ka arrestuar një 38-vjecar, pasi akuzohet se shpërndante droga të forta me doza të vogla.
Uniformat blu të qytetit jugor kanë sqaruar se i arrestuar ka përfunduar shtetasi L.Th.
Njoftimi i policisë:
Përmet
Goditet një rast i shpërndarjes së drogave të forta në doza të vogla.
Bie në pranga 38-vjeçari që posedonte dhe shpërndante lëndën narkotike.
Sekuestrohen 15 doza me lëndë narkotike kokainë.
Në vijim të punës për goditjen e veprimtarisë kriminale të shpërndarjes së drogave të forta, bazuar në informacionet e marra në rrugë operative se një shtetas dispononte lëndë narkotike, specialistët e Seksionit për Hetimin e Narkotikëve në Drejtorinë Vendore të Policisë Gjirokastër, në bashkëpunim me Komisariatin e Policisë Përmet, arrestuan në flagrancë shtetasin:
- Th., 38 vjeç, banues në Përmet.
Gjatë kontrollit të ushtruar në një nga dhomat e hotelit që ky shtetas e kishte marrë me qira, Policia gjeti 15 qese të vogla transparente me lëndë të dyshuar narkotike të llojit kokainë, të cilat u sekuestruan në cilësinë e provës materiale.
Materialet procedurale i kaluan Prokurorisë pranë Gjykatës së Shkallës së Parë Përmet, për veprime të mëtejshme.
(d.xh/ Balkanweb)
