Nga: Ira LONDO

ATHINE- Sot është diskutuar në parlamentin grek miratimi i Memorandumit të Bashkëpunimit të dy ministrive të Jashtme për përshpejtësimin e procedurave të integrimit të Shqipërisë në BE- drafti ligjor.

Gjatë diskutimit mori fjalën nga Siriza Jorgos Dizamis, nga Demokracia e Re Savas Anastasiadhis, nga Pasok-Dimar Odhiseas Konstandinopulos, si dhe anëtarë të tjerë nga Partia Komuniste e deputetë të pavarur.
mediat greke
Në seancën e Komisionit të Përhershëm të Ministrisë së Mbrojtjes dhe Çështjeve të Jashtme ishte i pranishëm dhe zv/ministri i Jashtëm Jorgos Katrugalos.

Vota pro mori memorandumi i bashkëpunimit nga partitë Siriza, Anel, Potami, nuk u pozicionuan akoma Demokracia e Re, PASOK dhe Bashkimi Qendror e Levendis, ndërsa kundër u shprehën hapur deputetët e ekstremistëve të Agimit të Artë. Madje deputeti Ilias Kasidiaris nuk ka ngurruar të japë një “shoë” të vërtetë shpërthimi racist, duke u referuar dhe tek pjeseëmarrja e Eleni Fureira në Eurovizion.

Qëndrimi i ashpër i Kasidiaris ka bërë bujë në median vendase, duke e dënuar haptazi mjaft prej tyre.

Konkretisht, Kasidiaris ka thënë se “e shikoni kush janë shqiptarët? Merrni rastin e Eurovisionit, reklamojmë një këngëtare që nuk thoshte se ishte shqiptare, e të gjithë këta lamashët futbollistë e këngëtarë sapo bëjnë para fillojnë të veshin bluzat e UCK, e të bëjnë simbolet e Shqipërisë së Madhe. Le të shkojnë aty ku ishin askushi e nuk kishin këpucë në këmbë. Asnjë bisedë për shqiptarët, asnjë negociatë, derisa të ndalojë politika antigreke e qeverisë shqiptare. Veto greke kërkon Agimi i Artë për të mos vijuar asnjë diskutim me sistemin Rama per integrim në BE”,- përfundoi delirin racist deputeti i Agimit të Artë sot në parlamentin grek.
(m.a/BalkanWeb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb