Analisti Skënder Minxhozi duke folur për ngërçin e krijuar në krijimin e Gjykatës Kushtetuese në “Real Story” në “News 24” tha se kemi një përplasja tipike shqiptare mes palëve.

Minxhozi u shpreh se është e rëndë t’i thuash Ambasadës Amerikane Xibrakë, kurse shtoi se fataliteti na e do që këtë situatë ta zgjidhin të huajt.

“Të dyja palët mendoj se të dyja palët janë me disa faulle. Unë mendoj se nëse këtë sherr e dërgojmë në një gjykatë, unë besoj se të dyja palët dalin me faulle. Mendoj se kjo është qasje me një ngërç tipik shqiptar. Ky është një lëmsh që vetëm ne mund ta krijojmë. Unë mendoj se tek analiza e Lubonjës, mungon elementi fundor i saj. Pyetja ime është se nëse jo palaçot e Ramës, cila është zgjidhja.

Kemi dy anë të kundërta. Meta thotë se e zgjidhim vetë, por edhe nëse ia lëmë, vetë nuk e zgjidhim. Nuk dimë zgjidhjen në këtë situatë. Meta thotë ikni ju se e di vetë këtë punë, atëherë cila është zgjidhja. Mendoj se fataliteti na e do se të huajt do na e zgjidhin.  Nuk mendoj se është normale që ambasadës amerikane t’i thuash Xibrakë. Kemi deklarata rrumpallë ndaj ndërkombëtarëve. Të thotë kreu i shtetit që merrni armët pse përmendja së paku dëshmon një lidership, që flet kështu kur interesi i vet del kundër asaj që duhet”, tha Monxhozi.

(d.xh/Balkanweb)

Për t’u bërë pjesë e grupit "Balkanweb" mjafton të klikoni: Join Group dhe kërkesa do t’ju aprovohet menjëherë. Grupi Balkanweb