SPANJE- Policia spanjolle ka arrestuar sot një grua në Ishujt Kanare, nën dyshimin se ka rekrutuar vajza dhe adoleshente për grupin militant Shteti Islamik.

Ministria e Brendshme thotë se gruaja është arrestuar në qytetin Arrecife në ishullin Lanzarote, shkruan “REL”.

Ajo akuzohet se ka “rekturuar adoleshente dhe vajza të reja dhe i ka ndihmuar që të udhëtojnë” në zonat e kontrolluara nga militantët e Shtetit Islamik.

Ministria thotë se ajo “ka mbajtur kontakte direkte” me operativë të Shtetit Islamik në Siri.

Ky arrestim vjen teksa shtetet evropiane po mundohen të ndalojnë shkuarjen e të rinjve në Siri dhe Irak, për të luftuar përkrah militantëve islamik.

(el.sp/BalkanWeb)