Pamjet që shihni tregojnë “Audi”-in që u bë objekt i një shpërthimi me molotov sot në Shkodër. Siç shihet nga pamjet e siguruara për BalkanWeb nga gazetari Senad Nikshiqi, makina është shkatërruar thuajse totalisht.
Automjeti, në pronësi të Bledar Freskinës, ishte parkuar në parkingun e një supermarketi pranë ‘Teatrit Migjeni’ në Shkodër rreth orës 4:20 minuta.
Nuk dihen akoma shkaqet e këtij shpërthimi, ndërkohë që policia ndodhet në vendin e ngjarjes ku po bën ekspertizën.
NJOFTIMI I POLICISE
Rreth orës 04:30, shtetas ende të paidentifikuar dyshohet se kanë hedhur një sasi të vogël lënde plasëse në automjetin e parkuar në bulevardin “Bujar Bishanaku”, në pronësi të shtetasit B. F., 40 vjeç. Nga ngjarja ka vetëm dëme të pjesshme materiale.
Shërbimet e Policisë dhe grupi hetimor kanë shkuar menjëherë në vendin e ngjarjes ku po punojnë për të përcaktuar autorsinë e rastit, si dhe për të zbardhur rrethanat.
(BalkanWeb)
