Gjatë vitit 2019, në Turqi janë ndaluar 445 mijë migrantë pa dokumenta të rregullta, shumica e të cilëve po përpiqeshin të kalonin kufirin drejt vendeve të Bashkimit Europian.
Bëhet fjalë për një rritje të konsiderueshme të numrit të tyre në krahasim me 268 mijë migrantët e vitit të kaluar.
Nga këta, 105 u riatdhesuan në vendet e tyre të origjinës, edhe ky një numër në rritje krahasuar me 68 mijët e vitit të kaluar.
“Kjo është një valë e madhe migratore, për të cilën është përgjegjës Perëndimi”, theksoi ministri i Brendshëm, Suleyman Soylu.
Ankaraja i ka akuzuar shpeshherë vendet europiane për keqmenaxhim të situatës së refugjatëve sirianë në Turqi dhe për prurjet e tjera migratore në vend, që kanë patur si qëllim përfundimtar pikërisht Bashkimin Europian.//ATSH