Një gjykatë e Minneapolisit, ka dënuar me 22 vite e gjashtë muaj ish-oficerin e policisë, Derek Chauvin, i cili u akuzua për vrasjen e afro-amerikanit George Floyd.

Kujtojmë se ngjarja e rëndë ndodhi në maj të vitit që lamë pas, pasi oficeri Derek, teksa tentoi të arrestonte 46-vjeçarin, i vendosi gjurin në fyt për më shumë se 9 minuta, duke i shkaktuar kështu vdekjen.

Kujtojmë se vrasja e Floyd shkaktoi protesta të mëdha globale kundër racizmit dhe brutalitetit të policisë.

(BalkanWeb)