Lazio është rikthyer te fitorja në kampionat, pasi mundi 1-3 Cagliarin. Pjesa e parë u mbyll në avantazhi e kryeqytetasve, të cilët iu falën autogolit të Deiola.

Immobile dyfishoi shifrat në të 50-tën, përpara se Gaetano të ngushtonte diferencat. Gjithsesi, goditjen përfundimtare vendasve nga Sardegna ia dha Anderson, në minutën e 65-të.

Me këtë rezultat, skuadra e Sarrit renditet në vendin e gjashtë me 37 pikë. Cagliari renditet në vendin e parafundit me 18 pikë. Serie A ka në program ndeshje mjaft interesante sonte. Inter sfidon Romën në transfertë, ndërsa Sassuolo pret Torinon në Reggio Emilia.

(J.S/BalkanWeb)