Kryeministri Edi Rama ka deklaruar se zona e Zvërnecit pritet të shndërrohet në një nga destinacionet turistike më të rëndësishme në Mesdhe. Në një deklaratë nga grupi parlamentar socialist, Rama u shpreh se situata e krijuar nga debatet dhe kritikat e fundit e ka bërë të reflektojë edhe për mundësinë e tërheqjes nga jeta politike, por sipas tij, ka vendosur të vazhdojë drejtimin e vendit.

“Janë ditë shumë të habitshme për mua. Për herë të parë më kanë bërë të mendoj edhe që t’ju përulem për nderin e madh që më keni bërë dhe të kërkoj ndjesë për të ikur në katund dhe për t’ju lënë në duart që do të zgjidhni vetë për të mbrojtur Shqipërinë nga të huajt”, u shpreh ai.

Megjithatë, kryeministri shtoi se ka zgjedhur të vijojë projektin politik dhe zhvillimor që, sipas tij, synon ta kthejë Shqipërinë në një vend me imazh të fortë turistik.

Edi Rama: Janë ditë shumë të habitshme për mua. Për herë të marrë më kanë bërë të mendoj edhe që t’ju përulem për nderin e madhe që me keni bërë dhe të ju kërkoj ndjesë për të ikur në katund dhe për të ju lënë në duart që do të zgjidhni vetë për të mbrojtur Shqipërinë nga të huajt. Por kam zgjedhur të ju udhëheq drejt asaj Shqipërisë që e dua po aq sa ju dhe po ashtu sic e doni ju dhe të ju udhëheq për ta përmbyllur këtë që kemi nisur bashkarisht falë votës tuaj me të cilën i kemi ngritur kokën çdo shqiptari atje ku është dhe me të cilën unë dua ta bëj Shqipërinë vendin që të ketë destinacionin për tu pasur zili dhe ky projekt është pjesë e asaj