BBC raportoi më herët për pretendimet se forcat ruse kishin avancuar në qendër të Severodonetsk, ku luftimet janë ndezur për ditë të tëra.

Tani, kreu i administratës së qarkut të qytetit të rrethuar, i cili ndodhet në Luhansk, ka dhënë më shumë detaje. Një uebsajt ukrainas i lajmeve citoi Roman Vlasenko të ketë thënë për shërbimin ukrainas të Radio Liberty:

“Armiku ishte në gjendje të hynte nga dy drejtime, Novoaydar dhe Starobilsk. Ai kontrollon një rrip prej rreth 100 metrash. Ata nuk mund të avancojnë shumë më thellë, djemtë tanë po mbajnë rreshtat.”

Vlasenko tha gjithashtu se ofensivat ruse ishin duke u zhvilluar në Lysychansk aty pranë, por ai pretendoi se ato ishin ende të kufizuara në fshat. “Djemtë janë duke mbajtur tokën e tyre,” tha ai.

Autostrada Lysychansk-Bakhmut është nën kontrollin e ushtrisë ukrainase, por ajo është duke u granatuar vazhdimisht nga trupat ruse, tha Vlasenko.