ORIKUM- I riu që iu bë atentat ditën e sotme në Orikum është Denis Brahimi, 23 vjeç (Personi në foto). Ngjarja ka ndodhur mbrëmjen e sotme në hyrje të Orikumit rreth orës 17:20 pranë një karburanti.

Sipas policisë, i riu ishte në rrugë kur është qëlluar nga dy persona të cilët janë larguar me shpejtësi.

23-vjecari është plagosur në këmbë dhe ndodhet jashtë rrezikut për jetën, ndërsa policia dyshon se të riun kanë tentuar ta ekzekutojnë, jo thjesht ta plagosin. Ende nuk dihen shkaqet dhe motivet e ngjarjes.

Në vendngjarje është gjetur një gëzhojë armë zjarri.Janë ngritur pika të shumta kontrolli për kapjen dhe ndalimin e autorëve, të cilët Policia i ka identifikuar, por për arsye hetimi nuk bëhen të ditur të dhënat e tyre.

(d.d/BalkanWeb)