Të paktën 22 njerëz janë vrarë nga luftëtarët rebelë në Republikën Demokratike lindore të Kongos (DRC), thanë zyrtarët.
Sulmi nga anëtarët e Forcave Demokratike Aleate (ADF) ndodhi në kryeqytetin rajonal, Beni të shtunën, tha Donat Kibwana, administratori i rajonit.
“Ekipet janë mobilizuar për të rikuperuar kufomat dhe për t’u bërë atyre funerale –‘dinjitoze’, tha Kibwana të dielën.
Viktimat ishin fermerë përfshirë 13 gra, tha Noella Katsongewaki, presidentja e shoqërisë civile në Beni.
Incidenti i fundit erdhi një ditë pasi gjashtë civilë u vranë në një sulm në Beni.
Në fillim të këtij muaji, 26 njerëz u vranë në sulme të ndara, një në fshatin Mantumbi dhe dy të tjerë afër qytetit të Kamangos.
Sipas organizatës lokale për të drejtat e njeriut CEPADHO, më shumë se 150 njerëz janë vrarë nga rebelët që nga tetori.
Forcat e DRC filluan operacionet kundër grupit të armatosur në fund të tetorit. FSHZH është hakmarrë duke kryer masakra.
Rreth 160 grupe rebele me më shumë se 20,000 luftëtarë janë aktivë në lindje të DRC, shumë prej tyre kanë të bëjnë me kontrollin e burimeve natyrore.
Midis tyre është FSHZH, me origjinë nga Uganda, e cila vazhdimisht kryen sulme në Beni.
KB ka provuar të stabilizojë vendin për 20 vitet e fundit me një forcë paqeruajtëse prej 15,000 forcash.
Javët e fundit, banorët në Beni dhe qytetet e tjera kanë demonstruar pakënaqësinë e tyre ndaj qeverisë dhe mbrojtjes së KB, duke thënë se nuk është bërë asgjë për të parandaluar rebelët.
Situata e dobët e sigurisë ka sjellë gjithashtu përpjekje të ndërlikuara për të luftuar epideminë Ebola në rajon.
(A.Ago, BalkanWeb)
