Nënkryetari i LSI, Petrit Vasili, reagon pas tryezës politike për Reformën Zgjedhore, e cila zhvilloi sot mbledhjen e radhës, me praninë e të gjitha forcave politike.
Vasili shkruan në “Facebook” se Damian Gjiknuri, i cili është bashkëkryetar i tryezës politike për Reformën Zgjedhore, po provokon bllokimin e kësaj reforme.
Sipas Vasilit, Gjiknuri kërkon të pengojë propozimet e opozitës së bashkuar për Reformën Zgjedhore, për pastrimin e zgjedhjeve të ardhshme nga llumi i turpit të dosjes 184 dhe 339.
“Damian Gjiknuri provokon bllokimin e Reformes Zgjedhore! Eshte e qarte qe Gjiknuri dhe Rama kane vetem nje mision te bllokojne reformen zgjedhore.
Gjiknuri kerkon te bllokoje tranparencen e votes se lire dhe te ndershme duke u fshehur pas pallavrave edramiste per reformen ne drejtesi dhe shashkave propagandistike bajate.
Gjiknuri kerkon te pengoje propozimet e opozites se bashkuar per reformen zgjedhore, per pastrimin e zgjedhjeve te ardhshme nga llumi i turpit te dosjes 184 dhe 339.
Gjiknuri e Rama si peng te “çunave problematike” te Dibres dhe te Shijakut kane vetem nje interes ate qe te bllokojne me cdo forme reformen zgjedhore.
Rilindja nuk e bllokon dot reformen zgjedhore edhe sikur ne vend te Gjiknurit te sjelle furgonin e “çunave problematike””, shkruan Vasili.
(BalkanWeb)
