SUEDI

Stefan Lofven nuk do të jetë më kryeministri i Suedisë. Ai është dorëhequr nga detyra pas mocionit të mosbesimit nga parlamenti.

Ai kishte në dorë ta çonte vendin në zgjedhje të parakohshme, por i ka dhënë shansin kryeparlamentarit të kërkojë një mazhorancë të re për të formuar një qeveri të përkohshme deri në zgjedhjet e ardhshme. Nga koalicioni qeverisës do të dalë dhe kryeministri i ri.

Lofven qeveriste Suedinë me një parti të majtë e cila inicioi mocionin e mosbesimit ndaj tij për shkak të një krisje për kontrollet mbi qiratë. Partia në fjalë u tërhoq nga koalicioni dhe kjo solli rrëzimin e Lofven.

(BalkanWeb)