Një zjarr i fuqishëm ka shpërthyer në një fabrikë industriale të LPP Holding, në qytetin Pardubice në Çeki, duke ngritur dyshime për një sulm të qëllimshëm.
Sipas autoriteteve, flakët nisën gjatë natës në një depo dhe më pas u përhapën në një ndërtesë administrative. Fatmirësisht, nuk raportohet për persona të lënduar nga incidenti. Ministri i Brendshëm çek, Lubomir Mednar, deklaroi se ekziston një “lidhje e mundshme me një sulm terrorist”, duke theksuar se hetimet janë në vijim.
Fabrika në fjalë bashkëpunon me kompaninë izraelite Elbit Systems, një prodhues i njohur i dronëve dhe pajisjeve ushtarake. Ndërkohë, mediat çeke raportojnë se një grup protestuesish ka marrë përgjegjësinë për zjarrvënien, duke pretenduar se objektivi ishte një strukturë e lidhur me industrinë e armëve dhe me Izraelin. Policia vijon hetimet për të zbardhur plotësisht rrethanat dhe motivet e ngjarjes.
Terror attack in Pardubice: anti-Israel group sets fire to drone factory
A fire broke out at an industrial site of LPP Holding, which cooperates with Israel’s Elbit Systems. The blaze started in a warehouse and spread to an administrative building. No injuries were reported.
An… pic.twitter.com/GR4z9rV1IB
— NEXTA (@nexta_tv) March 20, 2026
