Mark Nika, xhaxhai i Aleks Nikës është paraqitur sot në Prokurorisë së Posaçme ku ka zhvilluar një takim me kreun e SPAK Klodian Braho.

Në një prononcim për mediat pas përfundimit të takimit, Nika u shpreh se procesi po zvarritet dhe se nuk merren në pyetje persona që mund të kenë dijeni mbi ngjarjen.
Ai ka shtuar se ende nuk është dërguar për ekspertim kaseta e dorëzuar në SPASK nga gazetari Artan Hoxha.

“Ne na duket se procesi po zvarritet. SPAK thotë po punojmë, këtu tha edhe kryeprokurori. Ne po presim, e kanë ata në dorë se si do të vijojë. Kemi hyrë në vitin e 16 që çështja është në sirtarët e drejtësisë.
Hetimi duhet të jetë më i shpejtë, duhet të thirren persona që kanë dijeni për ngjarjen, duke nisur nga punonjësit e Gardës dhe jo vetëm. Krimi është shumë I rëndë, ne do ta ndjekim deri në zbardhjen e çështjes.
Ish Sekretarin e Përgjithshëm i Këshillit të Ministrave dhe jo vetëm , nuk janë thirrur. Çështjen e lidhin shumë me parashkrimin.

Kaseta është për riekspertim. Më duket se ende nuk është dërguar për ekspertim. Isha unë që kërkova takim me zotin Braho sepse nuk na zë vendi”, tha ai.