Një anëtar i komitetit të sigurisë kombëtare të parlamentit iranian ka kërcënuar SHBA-në për bllokadën e vazhdueshme detare të porteve.

Ali Khezrian i tha transmetuesit shtetëror IRIB se “që tani e tutje, veprimet e SHBA-së për bllokadë detare do të përballen me një përgjigje ushtarake nga Irani”.

Ai tha se SHBA-të duhet të sigurojnë “disa eskorta” për shkatërruesit e tyre në mënyrë që marinarët amerikanë të shpëtohen nëse anija e tyre fundoset.

Deklaratat erdhën pasi ushtria amerikane tha se “çaktivizoi” dy anije cisterna iraniane me naftë që po përpiqeshin të kalonin nëpër bllokadë.

Presidenti amerikan Donald Trump njoftoi se bllokada do të vazhdonte më parë këtë javë, duke shtuar se “askush” nuk do ta sfidonte atë.