Kylian Mbappé ka shprehur besimin e tij të madh te José Mourinho, duke e cilësuar trajnerin portugez si një teknik që di rrugën drejt suksesit. Ylli francez beson se rikthimi i “Special One” në stolin e Real Madridit do t’i japë skuadrës një shtysë të rëndësishme për të luftuar për trofetë këtë sezon.

“Mendoj se është shumë pozitive të kesh një trajner si Mourinho: dikë që di si të fitojë dhe di si ta përcaktojë rrugën për ta arritur këtë. Çdo lojtar është i lumtur të ketë një trajner që e di se ku po shkon; është një aspekt shumë pozitiv për ne.

Është koha të japim gjithçka dhe të gjejmë ritmin e duhur që të jemi gati për ndeshjen e parë. Jam i sigurt se do t’i rikthehemi fitimit të trofeve; këtë duam dhe kjo do të ndodhë — e ndjej urinë e skuadrës për fitore.

Do të qëndrojmë të përqendruar gjatë gjithë vitit për t’u dhuruar gëzim të gjithë tifozëve.Unë jam dikush që di ta shijoj momentin dhe e kuptoj se sa me fat jam. Por tani, duhet të fitojmë. Pavarësisht nëse je te Real Madridi apo diku tjetër, këtu duhet të fitosh tituj dhe të arrish sukses — prandaj jam këtu. Ne do të fitojmë tituj këtë vit.”